Os fisioterapeutas piden participar no tratamento dos enfermos de covid–19 persistente

A fisioterapia axiliza a recuperación dos pacientes de covid–19 que están hospitalizados e os que teñen covid–19 persistente. Por iso, o presidente do Colexio de Fisioterapeutas de Galicia Gustavo Paseiro considera necesario que haxa máis especialistas nos centros de saúde e nos hospitais. 

Paseiro destacou que o índice de supervivencia de pacientes de covid–19 ingresados na UCI mellora con atención de fisioterapia. Os doentes hospitalizados que reciben os coidados dun fisioterapeuta recupéranse, como media, dous días antes que os que non teñen esa axuda.