Os empresarios temen que as obras no viaduto de Pedrafita se alonguen ata dous anos

O presidente da Confederación de Empresarios de Lugo asegura que a reunión co delegado do Goberno non foi satisfactoria, porque aínda falta información: non saben por que caeu parte do viaduto e canto tempo levará reparalo. 

Jaime López sinalou que o Ministerio de Transporte estuda tódalas alternativas posibles á A-6 ao seu paso polo Cebreiro. O empresario sinalou que terán que agardar para saber que solución escolle o Goberno. López teme que se tarde ata dous anos en facer as obras precisas e reabrir a ponte do Castro.