Os condutores enchen os depósitos despois da baixada do IVE
O aforro pode chegar aos vinte euros por depósito
A medida notouse especialmente nas gasolineiras esta mañá
A rebaixa do IVE encheu as gasolineiras de coches que andaban xustos de combustible.
"Onte tiña que botar, pero agardei a hoxe", di unha consumidora.
"Vin o anuncio da rebaixa e temos unha viaxe longa por diante. E si que están máis baixos", di outra.
Esperaron a recargar para aproveitar un desconto que finalmente se notou menos do que agardaban.
"Supoñíase que eran 30 céntimos e aquí baixou 15. Creo que a baixada cómea un pouco a especulación".
"Uns 15 céntimos debeu baixar. Onte botei case a 1,70 e hoxe está a 1,45.
Nesta gasolineira de autoservizo encher con gasolina un depósito de sesenta litros custa dezasete euros menos ca onte. O aforro para o diésel é inferior, aproximadamente de dez euros.
"Xa o vin a 1,80 e algo si que se vai notando".
"Vaise notar moito no peto".
"Eu sempre botaba de 20 en 20 euros e hoxe enchino por se, a pesar do decreto, segue subindo", di un condutor.
Agradecen o alivio económico que supón a rebaixa da fiscalidade dos combustibles, aínda que temen que medida poida quedar curta.
