Os cinco últimos membros da frota da liberdade chegan este luns a España

Os cinco últimos membros da frota da liberdade Thousands Madleens que permanecían en Israel xa emprenderon viaxe cara a España e agárdase que cheguen este luns, segundo informan fontes do Ministerio de Asuntos Exteriores.

"Xa viaxan camiño de España os cinco últimos membros da frota retidos por Israel, incluída Reyes Rigo", sinalan.

Rigo, acusada de morder unha funcionaria do cárcere de Ketziot, chegou a un acordo coa Fiscalía para ser deportada a España a cambio do pago dunha multa de preto de 2.600 euros, segundo confirmou a EFE a súa compañeira na frota e concelleira de Podemos en Palma, Lucía Muñoz.

As tamén activistas Jimena González, María Plata e María Teresa Aracom, xunto a Yacine Belkaid Ayar, aterraron este sábado no aeroporto madrileño de Baraxas, onde foron recibidas por un grupo de deputados e membros de Sumar.

Xestión do retorno

As mesmas fontes precisan que o retorno dos integrantes da frota previsto para o luns, "igual ca os anteriores", foi xestionado polo ministerio, a embaixada española e o cónsul en Tel Aviv, "que realizaron un traballo extraordinario".

"Xa non quedan españois da frota retidos en Israel", aseveraron.

A Armada israelí interceptou as embarcacións na súa ruta cara a Gaza e detivo as persoas que ían a bordo, malia afirmaren que estaban en misión humanitaria. Á súa chegada a España, denunciaron maltratos durante o arresto.