Os carburantes dán un respiro: baixa un 1,26 % a gasolina e un 3,62 % o gasóleo

O prezo da gasolina baixou na última semana un 1,26 %, rompendo con dúas alzas consecutivas, mentres que o do gasóleo descendeu un 3,62 %, co que xa encadea catro semanas á baixa, segundo os datos do Boletín Petroleiro da Unión Europea dados a coñecer este xoves.

Unha vez aplicado o desconto de 20 céntimos do Goberno, vixente ata final de ano, o litro de gasolina custa de media nas gasolineiras españolas 1,564 euros e o de gasóleo 1,676 euros. Sen ese desconto, encher un depósito de 55 litros de carburante suporía 11 euros máis.