Os beneficios do ioga para a saúde das mulleres

Din as estatísticas que un 70 por cento dos practicantes de ioga a nivel mundial son mulleres. Neste centro de Santiago superan con creces ese dato.

"O 90, 95 % do alumnado son mullleres, si", apunta Ana Sanmartín, directora do Centro Energía Zen

A idade non é unha barreira.

"Vimos á clase, veño eu, a miña filla e o meu neto", comenta unha alumna

O ioga gaña adeptos e non é só unha cuestión de moda. Os beneficios son inmediatos.

"É unha práctica que a curto prazo vese, a nivel físico, emocional e mental", explica Ana Sanmartín. 

"Eu son unha persoa un pouquiño nerviosa, moi activa, e entón eu respiraba moi rápido, con moita ansiedade. Eu empecei a vir ás clases e empecei a aprender a respirar, e iso dáche unha tranquilidade, unha calma, un sosego, que de verdade que llo recomendo a todo o mundo".

"Eu, por exemplo, foi o patrón de soño, era imposible durmir unha noite enteira, e foi a partir da segunda-terceira semana", relatan dúas alumnas.

O ioga e as mulleres camiñan da man. Durante o embarazo axuda a prepapar o corpo para o momento do parto, pero tamén son contados os beneficios durante a menopausa.

"Podemos aliviar os sufocos, reducindo a súa intensidade e a súa frecuencia, axuda a mellorar a flexibilidade, a mellorar a calidade do sono, , tamén nos axuda a mellorar a circulación, que tamén é importante na etapa do embarazo, na etapa do posparto e na etapa da menopausa", indica Ana Sanmartín, directora do Centro Energía Zen.

Exercicios que se poden facer en perfecta comuñón coa natureza, pero sempre, sempre, baixo supervisión.