Os artistas emerxentes reúnense no Gaiás para intercambiar experiencias

Por duodécimo ano consecutivo, o Gaiás convértese estes días nun espazo de encontro dos artistas emerxentes.

Son 40 artistas emerxentes, a maioría menores de 35 anos e a metade deles galegos. E todos acoden a esta cita do Gaiás cun espírito de encontro e intercambio.

Hai moito sobre o que teñen que reflexionar estes novos creadores, entre outras cousas sobre a relación coa sociedade e o papel que eles poden xogar.

Son xa 12 anos os que fai este Encontro de Artistas Novos que naceu e creceu coa Cidade da Cultura. Máis de 700 creadores presentaron neste tempo os seus proxectos, consolidándose este encontro como unha plataforma de divulgación da nova escena artística.