Os aparellos eléctricos con batería de litio teñen máis risco de sufrir unha explosión
A explosión de aparellos eléctricos é máis frecuente do que pensamos, os que máis risco teñen son os aparellos que levan unha batería
Hai que vixiar o estado das baterías, cando se sobrecargan o se descargan con facilidade
Cargaban o patinete no salón da casa cando explotou, eles puideron reaccionar, non coma unha muller da Coruña, a quen a explosión a sorprendeu durante a noite.
"Eran as catro da mañá cando ecoitamos unha explosión era o patinete", conta unha muller.
Neste vídeo o que estoupa é o móbil mentres carga. Todos coñecemos algún caso ou levamos algún susto.
"Meu irmán tiña un piso alugado e ardeu, os bombeiros dixéronnos que fora por que quedara cargando unha videoconsola enriba do sofá", explica unha muller.
O maior perigo está nos aparellos que levan batería de litio. Para evitar sustos mellor atender os avisos.
"Os síntomas de que a batería non está ben son si se descarga a batería, si se sobrequenta cando cargamos ou se separa a carcasa do chasis", explica Eugenio Gutiérrez que repara móbiles.
Na rúa moitos recoñecen que xa toman precaucións.
"Eu só o cargo ata o 85 por cento para que non se vicie", di unha muller.
Das explosións tampouco libran outros electrodomésticos. Vexan como quedou esta lavadora industrial. A recomendación aquí é non sobrecargar os enchufes, de vez en cando revisar os cables e os sistemas de ventilación e, tras usar, desenchufar.
