Oliver Laxe, premio do Xurado en Cannes: "Subimos catro ligas de repente"
O cineasta galego conseguiu o premio por "Sirat", exaequou coa alemá "Sound fo Falling"
O director asegura que este galardón equivale a máis liberdade e lexitima o seu traballo
Laxe na Radio Galega: "Todo o mundo nos di que é a película do festival"
Oliver Laxe, flamante gañador do premio do xurado no Festival de Cannes, estará dentro dunhas horas en Navia de Suarna, onde vive, para presentar a película gañadora 'Sirat'. A entrada é libre e o propio cineasta convidou a todos os galegos que queiran asistir.
Para Laxe, este premio, que compartiu con outro filme alemá, equivale a máis liberdade e lexitima o traballo que está facendo.
Oliver Laxe, fillo de galegos emigrados a Paris, onde naceu, conseguir ver a súa pelicula premiada no FestivaL de cine de Cannes, algo que só acadaron antes catro directores en toda a historia do cine español, Buñuel, Saura, Erice e Almodovar.
"É unha loucura gañar un premio en Cannes, é moi, moi dificil, é un palmarés incrible".
Quince anos despois de acudir a este certame con Mimosas, en 2016, e con O que Arde, en 2019, o director galego recibiu este sábado o premio do Xurado, ex aequo coa pelicula alemá Sound OF Falling.
"Subimos catro ligas de repente"."Isto equivale a máis liberdade e lexitima o traballo que estamos facendo".
Sirat é a historia dunha filla desaparecida cun grupo de nómadas afeccionados á musIca tecno e un pai que a busca sen descanso a través do deserto de Marrocos. Laxe asegura que está feliz pola acollida do mundo do cine internacional. Cre que as imaxes desta historia removen algo no espectador.
"Francia é un país moi cartesiano e sen embargo non sabían analizar a película, cre que as imaxes teñen algo, que o espectador mira dentro das imaxes e pasa algo".
A distribuidora estadounidense Neon, que conseguiu premios Oscar para outros exitos de Cannes, mercou a película do cineasta galego.
"E agora falan dos Oscar un sitio no que nunca me proxectei"
Sirat chegará aos cines españois o 6 de xuño pero antes, Oliver Laxe quere mostrarllela aos seus conveciños e a todos os galegos.
"En Navia de Suarna, nos Ancares, onde estou empadroado, están todos os galegos convidados a vir ver a pelicula".
Oliver Laxe recolle o Premio do Xurado en Cannes
.png)
.png)
