Oliver Laxe estrea oficialmente 'Sirat' cos seus veciños, na praza de Navia de Suarna

O director galego Oliver Laxe chegou na tarde deste domingo a Navia de Suarna para asistir cos seus veciños á estrea oficial da súa película 'Sirat', galardoada en Cannes co Premio do Xurado. 

 "Moi feliz estou canso, case perdo o avión pero moi ledo, parece que hai xente", dicía o director de cine de Vilela, nos Ancares.

Horas despois de recoller o premio do xrurado en Cannes, o cineasta galego colleu un avión e chegou a tempo que asistir á proxección na praza do concello da Pobra de Navia. Alí amigos e vecínos recibírono aínda con máis aplausos e cariño que en Cannes, malia que na cidade do cine francesa está ben claro que adoran o seu cinema. En navia foron moitos máis que os  sete minutos de aplausos en pé, como sucedeu durante a proxección no festival.

Oliver Laxe quixo que o primeiro pase público en España de 'Sirat', Premio do Xurado en Cannes, fose na súa terra, en Navia de Suarna, onde vive e ten as súas raíces familiares. Xa o fixo co seu anterior filme, 'O que arde', que tamén llella mostrou aos seus veciños antes da súa estrea nos cines. E tamén á volta do mesmo festival.

"Veremos neste espazo como se ve xa é a segunda pelicula que estreamos aqui , O QUE ARDE tamén e fora precioso, como viñera xente de toda Galicia ".

Laxe saudou e agradeceu a asistencia á proxección do conselleiro de Cultura e os lidéres do BNG e do PSdeG.

 "Todas estas autoridades e facer da periferia centro que me gusta e tamén de fortalecer o eixo oriental".

Sirat chegará aos cines de toda España o 6 de xuño.

"O seu traballo dálle forza ao noso rural", di a deputada de Promoción do Territorio

A deputada de Réxime Interior, Promoción do Territorio e Turismo, Pilar García Porto, agradeceu ao cineasta naviego "por levar o nome de Navia e da provincia Lugo tan alto".

"Tamén por lembrar que desde aquí tamén se pode soñar en grande. O seu traballo dálle forza ao noso rural, a neustro idioma e á nosa forma de estar no mundo", subliñou a deputada.

Cartel de 'Sirat' anunciando a estrea da película de Oliver Laxe en Navia de Suarna