O Yess domina a subida ao Carrumeiro Chico

A regata Trofeo Conde de Gondomar, organizada polo Montereal Club de Iates de Baiona, é unha das referencias do verán en Galicia e leva disputándose  dende 1976 sen interrupción. Corenta barcos comezaron a regata coa  tradicional subida ao Carrumeiro Chico, en Corcubión, e volta a Baiona. Proba que dominou o Yess, de Rui Ramada, primeiro en tempo real e tamén lider en Open tras a compensación de tempos. Na clase ORC o triunfador foi o Aceites Abril dos irmáns Pérez Canal.