O xuvenil David Mella, no primeiro adestramento de Rubén de la Barrera
Lucas Pérez e Alberto Quiles, coa máscara, traballaron co balón
Rubén de la Barrera inicia a súa segunda etapa no Deportivo facendo xa unha chiscadela á canteira. E faino cun nome propio, o de David Mella. O futbolista do Fabril (xuvenil de segundo ano) será un dos xogadores que traballaron esta tarde ás ordes do adestrador coruñés.
Coñece ben á canteira e, a pesar da urxencia coa que vén, quere deixar claro desde o minuto 1 que calquera xogador branquiazul ten aberta a porta do primeiro equipo.
Na súa anterior etapa como deportivista, apostou por Rayco e Villares, dándolles dorsal do primeiro equipo e poñéndoos a xogar; concedeu minutos a un case inédito Adri Castro, a Gandoy e a Valín; e fixo debutar a Iván Guerrero. Tamén chamou para completar convocatorias a Hugo Padín, Jairo, Yeremay, Sanmartín, Boedo, Dani Barcia, Guille Bueno e Juan Rodríguez.
Para este regreso, contará con Barcia e Diego, que xa se estaban exercitando ás ordes de Óscar Cano, e engade a Mella, que podería mesmo entrar na convocatoria para o próximo partido. De la Barrera terá agora algo máis de dúas semanas para que o equipo chegue con serias opcións de ascenso á fase decisiva.
Lucas Pérez e Alberto Quiles, coa máscara, traballaron co balón.
#OSNOSOS | Rubén de la Barrera xa esta na casa, n #anosacasa, a súa
— RC Deportivo (@RCDeportivo) May 17, 2023
Imos con toda #anosaforza, @RubiBarreraFdz! pic.twitter.com/vXUq6hvZtx
