O xogador do Leyma Yoanki Mencía admite un delito de maltrato e outro leve de vexacións
O xogador cubano foi xulgado este mércores no Xulgado do Penal número 9 da Cidade da Xustiza de Zaragoza por violencia de xénero
Yoanki Mencía, xogador do Leyma Coruña, recoñeceu este mércores en sede xudicial un dos dous delitos por violencia de xénero dos que estaba acusado tras unha denuncia da súa exparella, interposta cando o cubano aínda xogaba no Casademont Zaragoza.
No xuízo, que se celebrou na Cidade da Xustiza de Zaragoza, Mencía tamén admitiu o delito leve de vexacións que se lle imputaba. Polo delito de violencia de xénero, Mencía deberá cumprir 60 días de servizo á comunidade, un ano de orde de afastamento e prohibición de comunicación e dous anos e un día de privación de porte armas.
Así mesmo, polo delito de vexacións, terá que realizar cinco días de traballos comunitarios, cumprir seis meses de orde de afastamento e indemnizar á vítima con 200 euros por responsabilidade civil.
