Publicador de contidos

Publicador de contidos

Sen pistas, logo de 11 días de busca, do home de 82 anos desaparecido en Boborás

Sen pistas, logo de 11 días de busca, do home de 82 anos desaparecido en Boborás

Marcial Manteiga Beiras, veciño da aldea de Regueiro, padece alzhéimer e puido desorientarse

Desapareceu o pasado 1 de abril despois de ir espantar uns cabalos salvaxes

Aumenta a preocupación da familia porque minguan as posibilidades de atopalo con vida

Marcial Manteiga Beiras ten 82 anos e pacede alzhéimer
G24.gal 11/04/2022 13:44

Segundo van pasando os días redúcense as posibilidades de atopar con vida a Marcial Manteiga Beiras, de 82 anos, que desapareceu da aldea do Regueiro, no concello ourensán de Boborás.

Hoxe xusto fai 11 días desde que o viron por última vez e aumenta tamén a preocupación da familia, que di que o que queren é atopalo como sexa. "A esperanza nunca se pode perder, pero a familia está triste", di Avelino Prado, de Protección Civil de Boborás. 

"Oxalá aparecese, aínda que fose vivo ou morto, polo menos descansaba a familia e el tamén", di unha familia de Regueiro.  

Estes días todos non pararon de buscalo efectivos da Protección Civil e da Garda Civil, co helicóptero e os drons, por todos os montes de arredor nun radio duns 20 quilómetros e non se sabe nada do seu paradoiro. 

Pero a intensa busca por terra e aire, centrada nos montes cara a onde se dirixiu Marcial para espantar uns cabalos salvaxes, non deu resultado. 

Pacede alzhéimer e pensan que puido desorientarse. A preocupación vai en aumento. "É moi triste que levamos xa unha semana e pico e que non se saiba nada de nada... Máis buscado que está  por todos os medios, non pode estar máis buscado", di unha veciña.

"Está todo rastrexado, todo por aí e non se atopa rastro, nada, nin un zapato, nin unha viseira que levaba, nin unha vara que levaba, nada de nada isto é unha cousa como se o tragara a terra", asegura outra veciña de Regueiro. 

A intensa busca polos montes da zona non deu resultado
Publicidade
Publicidade
Publicidade
Publicidade