O Supremo rexeita os recursos contra os indultos a Sànchez e Cuixart
Rexeita os recursos de Vox e de varios deputados de Cs por falta de lexitimanción, ao non estar directamente prexudicados pola súa posta en liberdade
O expresidente da Asemblea Nacional Catalá (ANC) Jordi Sànchez e o expresidente de Òmnium Cultural Jordi Cuixart (EFE)
O Tribunal Supremo rexeitou este xoves os recursos de Vox e de varios deputados de Ciudadanos contra os indultos concedidos ao exdiputado catalán e expresidente da Asemblea Nacional Catalá (ANC) Jordi Sànchez e ao expresidente de Òmnium Cultural Jordi Cuixart.
A Sección Quinta da Sala do contencioso administrativo baseou a súa decisión na falta de lexitimación dos partidos políticos que alegou a Avogacía do Estado, ao estimar que só poden selo quen acredite ser prexudicados directos pola posta en liberdade dos presos.
Sànchez e Cuixart foron condenados por un delito de sedición por uns feitos que, tras a reforma penal, o tribunal englobou no novo delito de desordenes públicos agravados.
Con esta decisión, o Supremo despexa o camiño para a trintena de recursos que se manteñen vivos ante o tribunal, que afectan ao exvicepresident Oriol Junqueras e aos exconsellers Raúl Romeva, Jordi Turull e Dolors Bassa, unha vez que xa arquivou os recursos contra os indultos á expresidenta do Parlament Carme Forcadell e aos exconsellers Joaquim Forn e Josep Rull, ao derrogarse o delito de sedición, o único polo que foron condenados.
Os recursos que quedan por resolver foron presentados por Vox, PP, deputados autonómicos populares, parlamentarios autonómicos de Cs e o presentado por Enric Millo, o que fose delegado do Goberno en Cataluña durante o procés.
Fontes xurídicas explican que o previsible é que todos os recursos sexan rexeitados ao aplicar a mesma argumentación de falta de lexitimación activa, salvo o de Millo que pode ser o único que force ao tribunal para pronunciarse sobre o fondo por sentirse prexudicado directo.
