O son das campás, fundamental para avisar os veciños dos incendios

O son das campás foi o que alertou dos incendios en moitas aldeas de Ourense. O labor tradicional dos campaneiros volveu ser fundamental para avisar os veciños, que puideron anticiparse á chegada das lapas a carón dos núcleos urbanos.

Así soaban en moitas aldeas de Ourense as campás das igrexas ante a presenza dos incendios. O seu son, rápido e acelerado, foi un chamamento colectivo de auxilio para toda a veciñanza.

Hoxe, nas aldeas de moitos concellos de Monterrei, cunha situación moito máis calmada, falamos cun dos veciños de San Cristovo. Carlos é un dos campaneiros desta igrexa pero eses días, o son das campás sorprendeuno defendendo a súa casa do lume.

As campás teñen unha linguaxe propia a través do son. O do lume, ese que nunca quixeran tocar, é moito máis inquietante.

A dos campaneiros é unha profesión con pouca remuda xeracional, case en desuso. En moitas igrexas as campás xa tocan de maneira automatizada. Con todo, o seu labor foi fundamental durante este vaga de incendios.