O sector mar-industria quere axudas europeas de recuperación económica

As empresas do complexo mar-industria reclaman poder acceder a fondos europeos para poder adaptar as empresas aos retos da transformación ecolóxica e dixital. Queren competir en condicións de igualdade con outros sectores e aseguran que estas axudas permitirían mobilizar ata 400 millóns de euros. O Goberno xa solicitou a Bruxelas que as medianas empresas, de ata 250 traballadores, como conserveiras, poidan acceder ás axudas específicas de dixitalización.