O Real Madrid anuncia a fichaxe de Tchouameni

O Real Madrid fixo oficial esta mañá unha das súas fichaxes máis cobizadas, a do mediocentro francés Aurelien Tchouameni, que chega do Mónaco. Vai asinar polas próximas seis temporadas. O centrocampista ten 22 anos e é internacional coa selección gala, coa que está a participar nestes días na Copa das Nacións.

O Real Madrid pagará uns 100 millóns de euros, entre fixos e variables, e convértese así na cuarta fichaxe máis cara da historia do club branco, despois de Bale, Cristiano Ronaldo e Hazard. Será presentado este martes.