Publicador de contidos

Publicador de contidos

O Rambo galego acolleuse ao dereito a non declarar polos roubos de comida cando estivo fuxido

O Rambo galego acolleuse ao dereito a non declarar polos roubos de comida cando estivo fuxido

O Rambo estivo fuxido durante 11 meses en diversas zonas de Ferrolterra e o Eume

Das cinco vítimas dos seus furtos só unha mantén a denuncia

G24.gal 24/05/2022 11:49

Alfredo Sánchez Chacón, alcumado o Rambo galego, negouse a declarar sobre os roubos de comida en vivendas cando estivo fuxido durante 11 meses en diversas zonas de Ferrolterra e o Eume. 

O Xulgado de Ferrol que leva o caso tomoulle declaración por videoconferencia dende a prisión de Teixeiro onde se atopa. El acolleuse ao seu dereito a non declarar.

Das cinco vítimas dos seus furtos só unha mantén a denuncia, mentres que as outras 4 renunciaron.

Sánchez Chacón cumpría condena no penal de Monterroso pola morte dun disparo a un mozo en Cuntis en 1996. Tras un permiso penal, non regresou a Monterroso e estivo fuxido polos montes da comarca ferrolá.

O febreiro pasado foi descuberto intentando entrar nunha casa de Loira, en Valdoviño. Dous veciños perseguírono e coa axuda dun garda civil fóra de servizo ao que alertaron, lograron capturalo.

Publicidade
Publicidade
Publicidade