O Rally Rías Baixas desta fin de semana será decisivo para o campionato
A proba do Supercampionato de España de Rallyes é unha das máis especiais do calendario
Os cinco primeiros da táboa xeral estarán presentes nunha proba que pode ser decisiva para que "Cohete" Suárez acade o seu segundo campionato consecutivo.
Esta fin de semana desputarase a 59ª edición do Rally Rias Baixas. Durante os días 2, 3 e 4 de xullo, a área de Vigo acollerá a proba, que dará puntos para o Supercampionato de España de Rallyes. O primeiro día queda reservado para a ceremonia de saída, que terá lugar na Rúa Policarpio Sanz en Vigo.
O día 3 servirá para dar comezo á competición. Haberá un "Shakedown" dividido en dous turnos. De 9:30 a 10:15 estarán presentes os pilotos de categoría 1, e de 11:15 a 12:45 serán presentados o resto de equipos. Entre medias, ás 10:30, dará comezo o Tramo de Calificación. Este percorrerá a estrada que hai entre o pabillón de deportes da parroquia de Bembibre e o parque forestal de Beade. Para a sesión vespertina queda o doble bucle de tramos entre Ponte Caldelas e Vilarchán (13,72 km) e entre Ponte Caldelas e Anceu (8,76 km).
No derradeiro día estará concentrado o groso da proba, con dúas pasadas por 4 tramos: Vigo-Nigrán, Gondomar-Porriño, Salceda-Ponteareas e Vigo O Castro. Todo dará comezo ás 10:21 e rematará ás 20:05. Ao acabar a competición, celebrarase o fin do rally ás 20:30 e a entrega de premios ás 21:30.
A emoción está servida, xa que o Supercampionato podería quedar encamiñado para José Antonio "Cohete" Suárez. O vixente campión vén de acadar dúas victorias e un segundo posto nas últimas probas desputadas, e suma 142 puntos na xeral. Ademais do asturián, que estrea Skoda, os pilotos Jorge Cagiao, Iván Ares, Álvaro Muñiz, Diego Ruiloba e Pepe López estarán presentes na cita.
Será un fin de semana apaixoante para os afeccionados ao motor en Galicia. Están previstos numerosos afeccionados nos distintos tramos, en especial no de Vigo O Castro, xa que se poderá seguir parte da proba dende dentro da propia cidade olívica. Recordámoslle a todos os interesados en ir que vaian con antelación e respeten as medidas de seguridade recomendadas pola organización.
https://www.rallyeriasbaixas.com/seguridad.
