O Rácing vence o Spórting de Xixón cos goles de dous ferroláns
Héber Pena e Álex López deron o triunfo na Malata
O equipo de Cristóbal sitúase nos postos altos con 7 puntos de 9 posibles
O Rácing estreábase como local na Malata e non tivo mellor xeito de facelo que cunha gran vitoria fronte o Spórting de Xixón.
O equipo de Cristóbal Parralo comezou forte o encontro, dispondo das mellores ocasións na primeira metade. O colexiado, coa axuda do VAR, anuloulle o tanto a Carlos Vicente por un fóra de xogo milimétrico, mais os locais non cesarían e seguirían buscando o tanto. Chuca tivo que saír por unha lesión e o seu substituto, Héber Pena, sería o xogador que desequilibraría o encontro.
No Spórting de Xixón só Haissem Hassam achegaría perigo para os visitantes.
Na segunda metade o xogador da casa, Héber, sería decisivo. No minuto 52 entraría na área, recortaría cara dentro e o seu disparo entraría polo ángulo.
Os asturianos buscarían o empate e chegarían con moito perigo a portería de Cantero, mais no 86 Álex López aproveitaría un balón solto na área pequena, anotaría o 2-0 e o encontro chegaría a súa fin.
O Rácing de Ferrol volveu vencer na Malata en Segunda División despois de 15 tempadas e o destino da vida faría que os goles fosen de dous ferroláns.
