O Rácing tentará dar o paso definitivo cara ao fútbol profesional

O Rácing rematou a temporada pasada entre bágoas e a un paso da final polo ascenso. Pero ese mal final non ensombrece unha gran campaña. Por iso o obxectivo para o ano que vén é tan só dar un pasiño máis.

Carlos Mouriz debullou o novo proxecto do Rácing para a Televisión de Galicia. A idea será estar nos postos de privilexio e buscar o ascenso ao fútbol profesional. Un obxectivo ambicioso visto o nivel dos rivais cos que se terá que enfrontar nesta nova Primeira Federación. E para buscar ese o ascenso, o Rácing confía en Cristóbal e no grupo que tan ben o fixo este ano que acaba de rematar.