O programa piloto de vacinación contra a gripe comeza este martes o en 75 colexios
Poderase administrar a vacina intranasal, sen picada, ao alumnado de entre 3 e 11 anos
A Xunta iniciará este martes o programa piloto de vacinación contra a gripe en 75 colexios, co obxectivo de chegar a 26.536 menores.
O pasado ano a Consellería de Sanidade puxo en marcha este proxecto piloto en 50 centros educativos, cunha participación do 51%.
Este ano, o proxecto piloto chega a 25 centros educativos máis, distribuídos nas sete áreas sanitarias e con presenza de contornas urbanas, semiurbanas e rurais. Como xa ocorreu en 2025, poderase administrar a vacina intranasal, sen picada, ao alumnado de entre 3 e 11 anos.
Área sanitaria da Coruña e Cee
Na área sanitaria da Coruña e Cee participarán un total de 12 centros. No concello da Coruña serán o CEIP Eusebio da Guarda, o CEIP María Barbeito e Cerviño, o CEIP Raquel Camacho e o CPR Hogar de Santa Margarita.
Na mesma área sanitaria tamén participarán o CEIP Ramón Otero Pedrayo da Laracha; o CEIP Ponte dos Brozos de Arteixo; o CEIP Francisco Vales Villamarín de Betanzos; o CEIP Fogar de Carballo; o CPR Andaina de Culleredo; o CPR Montespiño de Culleredo; o CPR Nuestra Señora del Carmen de Fisterra; e o CPR Hijas de Cristo Rey de Oleiros.
Área sanitaria de Ferrol
Na área sanitaria de Ferrol serán catro os colexios que participarán este curso no proxecto piloto de vacinación: o CEIP Cruceiro de Canido, o CEIP Plurilingüe de Ponzos, o CEIP San Xoán de Filgueira e o CPR Sagrado Corazón.
Área sanitaria de Santiago de Compostela e Barbanza
Na área sanitaria de Santiago de Compostela e Barbanza participarán 14 colexios. Na cidade de Santiago de Compostela serán o CEIP de Fontiñas, o CEIP Pío XII e o CPR La Salle.
Ademais, tamén participarán o CPR Nuestra Señora de Lourdes da Estrada; o EEI Milladoiro de Ames; o CPR Nuestra Señora del Rosario de Arzúa; o CEIP Xesús Golmar de Lalín; o CEIP O Coto de Negreira; o CEIP Alfonso D. Rodríguez Castelao de Ordes; o CEIP Camiño Inglés de Oroso; o CEIP de Sigüeiro, tamén en Oroso; o CPR Nuestra Señora Inmaculada de Santa Comba; o CEIP Plurilingüe de Silleda; e o CPR Mª Inmaculada, tamén de Silleda.
Área sanitaria de Pontevedra e O Salnés
Na área sanitaria de Pontevedra e O Salnés participarán nove colexios. Na cidade de Pontevedra serán o CEIP A Xunqueira II, o CEIP Vilaverde Mourente, o CPR Sagrado Corazón de Jesús e o EEI Concepción Crespo Rivas.
Ademais, tamén participarán o CPR Sonrisas y Lágrimas da Illa de Arousa; o CEIP San Tomé de Cambados; o CPR San Narciso de Marín; o CEIP Arealonga de Vilagarcía de Arousa; e o CPR Sagrada Familia, tamén de Vilagarcía de Arousa.
Área sanitaria de Lugo, A Mariña e Monforte de Lemos
Na área sanitaria de Lugo, A Mariña e Monforte de Lemos participarán 12 colexios. Na cidade de Lugo serán o CEIP Luis Pimentel e o CPR Plurilingüe San José.
Na mesma área tamén participarán o CEIP Plurilingüe Vista Alegre de Burela; o CEIP Xoán de Requeixo de Chantada; o CPI Plurilingüe Virxe do Monte de Cospeito; o CPI Plurilingüe Dr. López Suárez de Friol; o CEIP Lagostelle de Guitiriz; o CPR Real Colegio Padres Escolapios de Monforte de Lemos; o CEIP Plurilingüe de Monterroso; o CPR Plurilingüe Ntra. Sra. da Asunción de Sarria; o EEI de Vilalba; e o CPR Plurilingüe Landro de Viveiro.
Área sanitaria de Vigo
Na área sanitaria de Vigo participarán 11 colexios. Na cidade de Vigo serán o CEIP García Barbón, o CEIP Lope de Vega, o CEIP Pintor Laxeiro, o CEIP Seis do Nadal, o CPR Plurilingüe Apóstol Santiago e o EEI Vila Laura.
Así mesmo, tamén participarán o CEIP Plurilingüe de Reibón, en Moaña; o CPR Plurilingüe Fogar, en Mos; o CRA María Zambrano do Rosal; o CRA Reina Aragonta de Salceda de Caselas; e o CEIP Plurilingüe Infante de Borbón de Salvaterra de Miño.
Área sanitaria de Ourense, Verín e O Barco de Valdeorras
Finalmente, na área sanitaria de Ourense, Verín e O Barco de Valdeorras serán 13 os colexios que participarán no proxecto piloto de vacinación nos centros educativos. Na cidade de Ourense serán o CEIP Plurilingüe Irmáns Vilar e o CPR Plurilingüe Divina Pastora.
Ademais, tamén participarán o CPR Pablo VI Fátima da Rúa; o CEIP Padre Feijoo de Allariz; o CPI Plurilingüe Antonio Failde de Coles; o CPI Tierras de Maside; o CEIP Plurilingüe Calvo Sotelo do Carballiño; o CPR Plurilingüe Sagrado Corazón, tamén do Carballiño; os CPR Plurilingües Guillelme Brown e Miraflores do Pereiro de Aguiar; o CPR Plurilingüe María Inmaculada de Verín; e os CEIP Carlos Casares e Rosalía de Castro de Xinzo de Limia.
