O presidente de Portugal disolve o Parlamento e convoca eleccións

A disolución do Parlamento portugués, aceptada polo Consello de Estado a proposta do presidente Marcelo Rebelo de Sousa, empurra o país a unhas eleccións anticipadas que previsiblemente serán en xaneiro. 

A data exacta anunciarase nas vindeiras horas e tamén os motivos do adianto electoral.

A decisión chega despois de que ao primeiro ministro, o socialista António Costa, o abandonaran os seus antigos socios e non lograra os apoios necesarios para a aprobación dos presupostos para 2022.

Só obtivo os 108 votos do Partido Socialista, fronte aos 117 da dereita e de parte da esquerda.