O Porriño vence con contundencia no derbi da Sangriña (18-27)

No derbi de primeira feminina de balonmán, contundente triunfo do Porriño na pista do Guardés. 18 a 27 foi o resultado final.

Sorprendeu a facilidade coa que as visitantes lograron impoñerse na Sangriña. É e que o Porriño levaba catro xornadas sen gañar. As guardesas mostraron a súa faciana máis irregular nun partido no que foron sempre por detrás no marcador. Ao descanso o resultado era de oito a doce.

E cun parcial de dous a sete no inicio do segundo tempo o Porriño sentenciou o choque. Carolina Bono, con oito tantos, foi a máxima goleadora do encontro.