O Porriño certifica a súa presenza nos play off cun triunfo en Lanzarote (19-22)

Vitoria do Conservas Orbe Zendal Porriño na Liga Guerreiras. Venceu 19-22 na pista do Lanzarote. Nun partido tenso e igualado, o descanso chegouse cun 11-11 no marcador.

No segundo tempo, o Porriño comezou a marcar diferenzas apoiado na capacidade ofensiva de Bruna Ribeiro. Carolina Bono foi tamén unha figura clave no equipo galego con sete tantos.

O Porriño enlaza a terceira vitoria seguida e ocupa o sexto posto da táboa, xa coa vista posta nunhas eliminatorias polo título para as que xa está matematicamente clasificado.