O Pontevedra presenta recurso ante o Comité Nacional de Segunda Instancia de RFEF
A entidade presidida por Lupe Murillo segue así coa defensa “dos dereitos e intereses deportivos” do seu primeiro equipo
Foto Pontevedra
O Pontevedra C. F. informou este mércores de que esta mañá presentou formalmente recurso ante o Comité Nacional de Segunda Instancia da Real Federación Española de Fútbol para reclamar a súa praza no playoff de ascenso a LaLiga Hypermotion.
A entidade presidida por Lupe Murillo segue así coa defensa “dos dereitos e intereses deportivos” do seu primeiro equipo, despois de que na noite do pasado luns recibise a resolución do Xuíz Único de Competicións Non Profesionais, quen outorgou ao Real Madrid Castela a praza que reclama o Pontevedra.
O conflito, sen precedentes no futbol español, vén motivado pola existencia de dous criterios de desempate. Un figura nas bases da Competición e outro no regulamento da RFEF, que ten rango superior e é que o supostamente beneficia ao filial do Real Madrid.
O primeiro deles ten en conta a diferenza de goles entre os tres equipos empatados a 58 puntos (tamén o Barakaldo), mentres que o que sitúa por diante ao Castela só valora os enfrontamentos directos entre o equipo granate e o branco.
En xogo está un billete para o playoff de ascenso a LaLiga Hypermotion. Os tres clubs implicados -Real Madrid, Pontevedra e Castela- finalizaron a liga empatados a puntos.
