O Pontevedra frea a súa xeira de vitorias en Barakaldo (0-0)

O Pontevedra volve de Barakaldo cun empate sen goles que reflicte o que aconteceu no partido. Un encontro de escaso ritmo e menos ocasións, marcado pola orde defensiva. Os locais asumiron a iniciativa, pero o seu dominio resultó tan evidente na posesión como inofensivo.

O Pontevedra estivo ben organizado atrás, agazapado, á procura dun contragolpe para resolver. Que non se deu.

Os Rubén Domínguez alcanzan así os 15 puntos logo das dez primeiras xornadas. Uns números que lles permiten afrontar o campionato nunha posición cómoda, pero que os priva de meterse nos postos cabeceiros da clasificación.