O peixe do cerco, un produto de proximidade con moitas posibilidades na cociña

Unha sardiña afumada e con toques cítricos pode ser unha boa opción para sorprender. É tan só unha das numerosas receitas que podemos preparar co noso peixe do cerco.

A sardiña, o xurelo ou mesmo a boga son algúns dos peixes que están a promover nos mercados galegos os armadores do cerco. Unha campaña que non deixa indiferente o consumidor. Ademais valoran este apoio á pesca galega de proximidade.

A asociación Acerga, que agrupa máis de 110 armadores, suliña a importancia de chegar aos máis cativos. A Xunta colabora nesta campaña para promover un sector que, segundo os armadores, atravesa un momento delicado polas limitacións na pesca do xurelo impostas pola Unión Europea.