O parque coruñés de Bens arde por segunda vez en menos dunha semana

A noite deste xoves volveu arder o parque de Bens na Coruña. É o segundo incendio que se rexistra na zona en apenas unha semana.

Ata alí desprazáronse varias unidades de bombeiros para traballar na extinción deste foco, que afectou unha superficie aproximada de 3.000 metros cadrados.

É o segundo incendio en menos dunha semana e o cuarto en apenas dous meses. A frecuencia destes episodios nas inmediacións da planta de Nostián e tamén do parque de Bens pon de relevo a vulnerabilidade desta parte da cidade da Coruña.