Publicador de contidos

Publicador de contidos

O Parlamento propón a Blanco Valdés e a Juan Raposo como maxistrados do Constitucional

O Parlamento propón a Blanco Valdés e a Juan Raposo como maxistrados do Constitucional

Os dous foran rexistrados a petición do polo PPdeG e foron elixidos nunha votación en urna con 41 e 40 votos respectivamente

Roberto Blanco Valdés, na TVG Roberto Blanco Valdés, na TVG
G24.gal 17/11/2026 13:00

Roberto Blanco Valdés e Juan Raposo Arceo serán os candidatos a maxistrados do Tribunal Constitucional (TC) que o Parlamento galego propón para presentar ao Senado. Os dous aspirantes foran rexistrados polo PPdeG, con maioría absoluta, e foron elixidos nunha votación en urna con 41 e 40 votos, respectivamente.

Natural da Estrada (Pontevedra), Roberto Blanco Valdés é licenciado en Dereito por la Universidade de Santiago de Compostela (USC). É catedrático de Dereito Constitucional no departamento de Dereito Público e Teoría do Estado de la USC, e de Dereito e Socioloxía da Universidade da Coruña.

Segundo destacou os populares, entre as súas publicacións cóntanse máis de corenta libros. Dirixiu nove teses de doutoramento e formou parte, como presidente ou membro, de máis de medio centenar de tribunais de teses. Así mesmo, é membro do comité científico ou asesor de numerosas revistas científicas especializadas en Dereito Constitucional.

Juan Raposo Arceo é licenciado en Dereito pola USC e, na actualidade, é profesor titular de Dereito Civil de la Universidade da Coruña. Debido á súa actividade docente, impartiu máis dun centenar de cursos nas universidades galegas, así como tamén no Consello Xeral do Poder Xudicial, en colexios de avogados ou na Escola Galega de Administración Pública.

O PPdeG destacou ao rexistrar a súa proposta que, desde 1993 dirixiu e coordinou en diferentes institucións, tanto públicas como privadas, máis de cen cursos sobre ordenación do territorio, urbanismo, vivenda, organización administrativa ou Dereito público autonómico. Foi integrante do equipo redactor da Constitución de Nicaragua en 2012, e redactor de varias leis autonómicas.

A proposta de Francisco Caamaño non prospera

Pola súa banda, o exministro de Xustiza Francisco Caamaño, proposto polo PSdeG, conseguiu dez votos, e a súa candidatura non saíu adiante. No reconto, tras a votación en urna, tamén se contabilizaron 23 papeletas en branco.

O sistema de elección dos maxistrados do Tribunal Constitucional polo Senado ten a súa orixe nunha proposta xurdida no Parlamento de Galicia e incorporada á lexislación estatal, de forma que, na actualidade, a Cámara alta elixe os catro maxistrados que lle corresponden de entre os candidatos propostos polas asembleas das comunidades autónomas.

Publicidade
Publicidade
Publicidade
Publicidade