O Ourense CF bate ao Mérida (3-1) no regreso ao Couto
Co triunfo, os galegos seguen fóra dos postos de descenso
O Ourense Club de Fútbol festexou o regreso ao Couto cunha contundente vitoria ante o Mérida, equipo que se move pola zona alta da táboa.
Adrián Guerrero abriu o marcador no minuto 31 cun gol que paga a pena ver repetido. Marcha dos que lle saen ao paso, regatea dentro da área e supera ao porteiro cun disparo raso.
O segundo chegou a piques de chegar ao descanso, marcou Raúl, o seu primeiro tanto co equipo das Burgas. Xogada persoal, entra na área e 2-0.
Recortou o Mérida, Areso, no 66. Adiantouse a Prado e superou a Alberto. Pero non houbo tempo para que apareceran os nervios pois Martín Ochoa acadou o 3-1 só cinco mintuos despois.
O Ourense CF chega aos 28 puntos, suficientes para rematar a xornada fóra dos postos de descenso.
