O Obradoiro non desbota a fichaxe dun base con experiencia

Segundo Eduardo Pascual, o Monbus Obradoiro non desbota a contratación dun base. 

"Se aparecese un base con experiencia podería ser unha incorporación".

A liga apértase e o Monbus Obradoiro está na zona perigosa. Non se acenden as alarmas no Sar, pero con seis triunfos o equipo de Moncho Fernández queda igualado co Río Breogán e co Granada. Tranquilidade é o que máis se repite en casa Obradoiro. E confianza en Moncho Fernández.

"É a persoa que lidera o proxecto. Hai que facer as cousas ben, non obsesionarse coa vitoria".

O Obradoiro viaxará a Vitoria para xogar co potente Baskonia.