O campión do mundo Borja Iglesias recibe unha homenaxe en Santiago
O Concello de Santiago e a Xunta de Galicia homenaxean ao mundialista
Na recepción da Xunta estivo tamén o colexiado coruñés Diego Sánchez Rojo
O compostelán Borja Iglesias recibiu hoxe na súa cidade natal un baño de masas. O futbolista picheleiro era homenaxeado polo Concello e a Xunta de Galicia en dous actos nos que destacaron o seu peso na segunda estrela mundialista para España.
"É un referente no deportivo, un referente en valores e un dos nosos", afirmaba a alcaldesa de Santiago, Goretti Sanmartín, que tamén lle fixo entrega dunh botella con terra de todos os campos de fútbol de Santiago coa inscrición "Da area dos comezos á historia que escribiches".
Ao rematar o acto, a veciñanza de Compostela puido compartir un momento moi especial co campión do mundo, que non dubidou en pararse coa xente para asinar autógrafos e facer fotos.
