O Mariscal Pardo de Cela revive no mercado medieval de Alfoz
O concello mariñao lembra a traizón e o apresamento deste personaxe histórico enfrontado aos Reis Católicos
O concello de Alfoz revive esta fin de semana a traizón e o apresamento do Mariscal Pardo de Cela, no ano 1483. O 17 de decembro dese ano, foi decapitado diante da catedral de Mondoñedo por mandato dos Reis Católicos.
Este sábado, no marco da XXV edición do seu mercado medieval, o municipio mariñao lembrou o final do señor feudal que se enfrontou á política dos reis de Castela.
Dende as súas orixes neste evento defendeuse a gastronomía tradicional e a artesanía galega, ademais de celebrar obradoiros e exhibicións de oficios tradicionais, como o de panadeiro, canteiro e cesteiro.
A diferenza doutros mercados históricos, en Alfoz facilítaselle a quen así o desexe roupas con corte medieval para que os asistentes se caractericen e crear así un contexto no que mergullarse e no que "ser o protagonista", un dos obxectivos dos organizadores.
