O Lugo visita o líder: "Se explotamos as nosas virtudes podemos gañar os tres puntos"
Joan Carrillo entende que As Palmas ten as súas carencias e o equipo lucense pode facerlle dano
O Lugo afronta unha das saídas máis complicadas da temporada este sábado (21:00 horas). Xoga no campo do líder, a Unión Deportiva As Palmas, que se está amosando como un dos candidatos máis firmes ao ascenso.
Os insulares gañaron os tres últimos partidos, aínda que os tres pola mínima e sufrindo ata o último minuto. Pola contra, o Lugo ocupa a penúltima posición, cun só puntos dos últimos quince que xogou. Iso motivou o segundo troco de adestrador esta temporada, co cesamento de Fran Justo e a chegada de Carrillo.
O catalán, que debutou con empate ante o Ibiza, non teme o rival desta fin de semana malia os seus grandes números e considera que o Lugo ten as súas opcións de gañar o partido.
"Se seguimos o plan de partido e explotamos as nosas virtudes sabendo as súas carencias, imos polos tres puntos. É factible, As Palmas é un bo equipo, pero hai diferentes aspectos nos que temos que ser mellores ca eles".
