O Lugo terá a proba o central serbio Aleksandar Pantic
O Lugo terá a proba o central serbio Aleksandar Pantic
Ten 30 anos e experiencia na Liga logo do seu paso polo Vilarreal, Alavés, Córdoba, Éibar e Cádiz
O Lugo anunciou a incorporación á dinámica de traballo do equipo do central serbio Aleksandar Pantic, que se atopaba sen equipo despois dunha experiencia no fútbol polaco. O xogador, de 30 anos, podería ser esa peza que lle fai falta na liña defensiva ao equipo de Hernán Pérez.
|OFICIAL|📄
— Club Deportivo Lugo (@CDeportivoLugo) November 15, 2022
👉Aleksandar Pantic incorpórase á dinámica de adestramentos do primeiro equipo#ForzaLugo
Pantic ten experiencia na Liga. Foi fichado en 2013 polo Vilarreal procedente do Estrela Vermella. Tivo pouca participación e marchou a Córdoba e Éibar, onde si gozou da confianza dos adestradores. Tamén estivo no Alavés e no Cádiz, aínda que a súa achega foi moi escasa. Nas últimas temporadas o Serbio xogou no fútbol de Chipre e tivo unha última experiencia no Zaglebie de Polonia.
