O límite de ingresos para acceder a unha vivenda pública en Galicia pasa de 2.250 a 3.500 euros

En Galicia, as familias terán máis facilidades para acceder a unha vivenda pública. Nunha mensaxe en redes sociais, o presidente da Xunta, Alfonso Rueda, lembra a medida que anunciou esta semana no Parlamento, de que van aumentar o límite de ingresos para poder optar a un piso protexido.

Ata agora unha parella cun fillo que sumara 2.250 euros mensuais quedaba fóra. Ese tope aumentará ata os 3.500 euros ao mes. O presidente da Xunta remarca ademais que ampliarán o colectivo para o que se reservarán vivendas públicas.