O Liceo golea ao Voltregá nun cómodo partido en Riazor (6-1)

Na OK Liga, o Liceo venceu por un claro seis a un ante o Voltregá en Riazor. Ao descanso xa gañaba por catro a cero con dous goles de Nil Cervera, o primeiro deles espectacular desde a súa propia pista, un de Arnau Xaus e outro de Dava Torres.

No segundo tempo, estes dous últimos marcaron dous tantos máis. Xavier Amengol fixo o da honra para o equipo catalán. Os de Juan Copa suman 23 puntos, a dous do Barça, que segue de líder.