O incendio dunha carnicería en Ourense provoca unha gran columna de fume

Un incendio causou a alarma en Ourense a última hora da tarde.

O local afectado é unha coñecida carnicería da rúa Marcelo Macías.

As lapas provocaron unha gran columna de fume que se puido ver dende distintos puntos da cidade.

Varias dotacións dos bombeiros e axentes da Policía Nacional interviron no sinistro nunha das rúas da cidade con máis intensidade de tráfico.

Polo de agora descoñécense as causas do lume. 

Foi un particular quen alertou aos servizos de emerxencia. Unha grande nube de fume saía por unha das portas do local.