O IGE prevé un crecemento da economía galega por encima do 1,5 % ata 2030, ano en que o paro baixará do 7 %

O Instituto Galego de Estatística (IGE) prevé un crecemento sostido da economía galega por encima do 1,5 % cada ano durante o próximo lustro.

O IGE publica este martes o 'Escenario macroeconómico de Galicia', en que figura unha estimación de crecemento do Produto Interior Bruto (PIB) do 2,3 % para este 2026. Para 2027, o avance será do 1,7 %. E recolle unha previsión idéntica do 1,6 % para 2028, 2029 e 2030. Así mesmo, apunta a que 2026 pechará cunha taxa de paro en Galicia do 8 %. Irá cun progresivo descenso anual: 2027 (7,7 %); 2028 (7,3 %); 2029 (7 %) e 2030 (6,8 %).

Na composición do PIB, o instituto estatístico augura un ciclo expansivo de exportacións ao redor do 2 % durante os próximos anos. De feito, considera que o 1,6 % de aumento este ano será o máis baixo dos próximos exercicios. Pola súa banda, a contribución ao PIB da demanda interna será próxima ao 1,5 % durante estes anos.

Mentres, a taxa de actividade descenderá tres décimas entre o 53,8 % de 2026 ao 53,5 % de 2030. No entanto, terá unha lixeira repunta entre os 16 e 64 anos no mesmo período, do 75,1 % ao 75,3 %.