O Goberno portugués compromete o AVE entre O Porto e a fronteira con Galicia para 2033
Pedro Sánchez admite que a conexión ata Vigo "precisa un acelerón" e non concreta datas para o remate das obras
O Goberno portugués admite que o proxecto da alta velocidade entre O Porto e Vigo vai máis lento do desexado. Pero co estado actual das obras, o primeiro ministro, Luís Montenegro, estima que a parte lusa, ata a fronteira con Galicia, estará rematada no horizonte de 2033.
Luís Montenegro, o primeiro ministro de Portugal, di: "Dentro dun calendario que cremos que pode ser cumprido, estimamos que en 2032 ou 2033 pode estar concluído.
O presidente do Goberno evitou concretar datas para a execución do treito español. Agora mesmo está adxudicado o estudo informativo entre O Porriño e a fronteira portuguesa. O da saída sur de Vigo adiouse ata mediados de 2027.
"É verdade que hai algúns investimentos que teñen que axilizarse, que teñen que acelerarse, pero pode ter o compromiso do Goberno de España de que o imos facer", di Pedro Sánchez.
O estado do proxecto descarta a posibilidade incicial de que España e Portugal estean conectadas por AVE para o Mundial de 2030.
