O PSOE celebra un Comité Federal en plena crise pola corrupción
Previsiblemente, Sánchez defenderá que o Goberno e o PSOE actuaron ante os casos de corrupción en canto os detectaron
Page volveu pedir eleccións e espera saír do Comité Federal coa garantía de que o PSOE non será imputado
O Comité espera aprobar o calendario de eleccións primarias para as eleccións autonómicas e municipais de 2027
Medios de comunicación ás portas da sede do PSOE en Madrid antes da reunión do Comité Federal . (EFE/Chema Moya)
O PSOE celebra este sábado Comité Federal, o máximo órgano de decisión interna entre congreso, no medio da crise xerada polos casos de corrupción que afectan o partido.
Os socialistas chegan a esta cita desgastados polas novidades xudiciais no 'caso Leire Díez' que investiga unha presunta trama para influír en procesos xudiciais dirixida desde Ferraz, a imputación do expresidente José Luis Rodríguez Zapatero no 'caso Plus ultra' e a recente condena o exsecretario de Organización José Luis Ábalos a 24 anos de cárcere.
A suma de escándalos está a afectar nos apoios do Goberno no Congreso dos Deputados e esta mesma semana a maioría da Cámara apoiou que Pedro Sánchez se someta a unha cuestión de confianza e asuma responsabilidades presentando a súa dimisión, nun clima de crecente tensión con socios como Sumar, ERC, Junts e Podemos, que piden máis explicacións.
A voceira do PSOE, Montse Mínguez García, a súa chegada á reunión do Comité Federal. (EFE/Chema Moya)
Comparecencia de Sánchez
Nesta situación, Sánchez tomou a palabra para previsiblemente defender que o Goberno e o PSOE actuaron ante os casos de corrupción en canto os detectaron. Tamén fará fincapé nas medidas anticorrupción que vén adoptando o PSOE desde hai un ano, cando expulsou ao sucesor de Ábalos en Organización, Santos Cerdán, por un caso de presunto amaño de contratos.
Page lamenta o medo ás eleccións
O presidente de Castela-A Mancha, Emiliano García Page, lembrou que hai un ano pediu no Comité Federal do PSOE un adianto electoral e lamentou o medo aos comicios porque estarían "en mellores condicións", xa que agora atravesan "o peor momento da historia recente do PSOE".
"España enteira pregúntase soamente cando", manifestou en declaracións aos xornalistas antes de participar na reunión do Comité Federal do partido.
Page foi a única voz discordante á hora de pedir "autocrítica" e esixir á dirección das súas partido garantías de que o PSOE non vai ser imputado como organización, porque "sería terrorífico".
Sinalou que detecta "moito medo" no seu partido e nos seus "supostos socios" a dar a palabra aos cidadáns e lembrou que hoxe as cousas "se complicron moitísimo máis".
Hai un ano, ao seu xuízo, xa había moitos problemas, "moitas contradicións, moitas liñas vermellas pisadas", pero agora os cidadáns xa só esperan coñecer "cando" e é a hora de "antepoñer os intereses do país aos principios e desde logo aos do POSE e aos de calquera dirixente".
"O PSOE está por encima de calquera dirixente", recalcou tras insistir en que espera saír con información que demostre que o partido está "limpo".
Emiliano García-Page, conversa coa presidenta do Congreso, Francina Armengol, a súa chegada ao Comité Federal . EFE/Chema Moya
Baróns do PSOE chaman á esperanza para continuar e prepararse para 2027
A gran maioría de baróns socialistas expresaron á súa chegada ao Comité Federal do partido a súa esperanza para continuar gobernando e prepararse para os comicios xerais, autonómicos e municipais de 2027.
Un dos máis contundentes foi o presidente de Cataluña, Salvador Illa, quen en declaracións aos medios minutos antes do arranque do conclave aseverou que ten "moita esperanza de futuro" e que aos socialistas lles queda moito por facer tanto na Moncloa como no resto de gobernos.
"Toca avanzar, avanzar e avanzar. Esperanza, esperanza e esperanza e nada de medos", incidiu o líder dos socialistas cataláns.
Polo seu lado a líder dos socialistas valencianos, Diana Morant, considerou que o partido sairá fortalecido do comité e pediu aos seus compañeiros non "renderse" porque a cidadanía necesita políticas progresistas.
Así mesmo asegurou que a sociedade española non necesita un adianto das eleccións xerais: "Eu piso a rúa e a xente dime que aguantemos".
Tamén Adriana Lastra, delegada do Goberno en Asturias, pechou filas coa Executiva federal e o secretario xeral, Pedro Sánchez, e destacou o traballo da secretaria de Organización, Rebeca Torró, polo seu traballo para aplicar as medidas anticorrupción tras os casos de José Luis Ábalos e Santos Cerdán.
Tamén outros líderes territoriais do PSOE como a balear Francina Armengol, o canario Ángel Víctor Torres, ou o castelán e leonés Carlos Martínez apoiaron a Sánchez e deixaron claro que só el debe decidir cando convocar eleccións.
Unha vintena de socialistas integran a delegación do PSdeG
Unha vintena de socialistas, encabezadas polo secretario xeral do PSdeG, José Ramón Gómez Besteiro, integrarán a delegación do PSdeG que participa no Comité federal.
Fontes da dirección do PSdeG destacaron que Galicia acode á cita para "intervir e para propoñer", "como sempre fixo".
