Publicador de contidos

Publicador de contidos

O Goberno dará axudas directas aos agricultores afectados pola seca

O Goberno dará axudas directas aos agricultores afectados pola seca

Aprobaranse no paquete de medidas do Consello de Ministros extraordinario deste xoves

G24.gal 11/05/2023 12:30 Última actualización 11/05/2023 12:29

O Goberno outorgará axudas directas aos agricultores afectados pola actual seca dentro do paquete que ten previsto aprobar o Consello de Ministros nunha xuntanza extraordinaria convocada para este xoves.

O novo paquete de medidas para loitar contra a seca contén axudas directas para o sector agrario que serán detalladas na conferencia de prensa posterior ao Consello de Ministros por parte da vicepresidenta terceira e ministra para a Transición Ecolóxica e o Reto Demográfico, Teresa Ribera, e o titular de Agricultura, Pesca e Alimentación, Luis Planas.

Desde o ano pasado, o Executivo tomou outras medidas de apoio como o decreto do 15 de marzo de 2022 con axudas en materia fiscal, laboral, social e financeira, valoradas en 450 millóns de euros.

Esa norma aprobouse días despois da reunión da Mesa Nacional da Seca da que saíu un grupo de traballo permanente para facer seguimento do impacto da escaseza de auga na agricultura.

Na última xuntanza da Mesa da Seca o pasado 19 de abril, constatouse que a situación era "grave e xeneralizada" aínda que con diferentes graos de afección entre cultivos e territorios.

Nos últimos meses o Goberno mobilizou axudas á gandería e ao sector dos cítricos, así como para paliar o encarecemento dos fertilizantes, por valor de 650 millóns de euros.

Publicidade
Publicidade
Publicidade
Publicidade