O éxodo de Ucraína diminúe pero supera xa os dous millóns e medio de persoas
Por primiera vez, o aumento diario de refuxiados non supera os 100.000
Polonia acolle máis da metade, 1.57 millóns
O éxodo dos ucraínos que foxen da guerra non cesa pero nas ultimas horas semella que houbo unha diminuición momentánea. Segundo dos datos de ACNUR, é o primeira vez que non supera as 100.000 persoas nun só día.
Desque comezou a invasión, máis de dous millóns e medio de ucraínos buscaron refuxio das bombas rusas nos países veciños, na que xa é a maior crise de refuxiados que se viviu en Europa desde a segunda guerra mundial. As guerras na antiga Iugoslavia durante os anos 90 causaron dous millóns catrocentos mil refuxiados.
Polonia acolleu á maioría, millón e medio. Este sábado, no paso fronteirizo de Medyka, nas ringleiras de persoas que agardan para subir aos autobuses que os levarán a outros lugares de Polonia ou de Europa, os voluntarios intentan animar os cativos con xoguetes e lambetadas.
Na estación de Bucarest o cantante e compositor británico interpreta a canción que se converteu nun símbolo da resistencia dos ucraínos nas redes sociais. Romanía recibiu ao redor de 100.000 refuxiados. 235.000 fuxiron a Hungría, 185.000 a Eslovaquia, 105.000 a Rusia e outros tantos a Moldova.
