O desfile de Entroido encheu de público as rúas de Ourense

Tradicións como os peliqueiros e modernidades como as máis elaboradas coreografías. De todo houbo no desfile do Entroido de Ourense. As rúas estiveron ateigadas para ver pasar as máis de mil persoas que participaron nas diferentes comparsas. Un espectáculo de música e cor que ten detrás semanas de traballo.

Os feitos da actualidade ourensá e internacional víronse reflectidos nun desfile que se prolongou por espazo de máis de dúas horas.

E, como é tradición, os participantes fixeron gala do humor e da retranca tan propia da provincia e mesmo se fixo participar o público.