O Deportivo remonta grazas a un decisivo Soriano (2-1)

Xogou o Deportivo, que remontou diante da Balonpoédica Linense para sumar a primeira vitoria.  O equipo andaluz aproveitou unha serie de tres córneres consecutivos para marcar contra a media hora. Nico del Monte érguese por riba de todo o mundo para cabecear á rede no terceiro.

Houbo que agardar ata a segunda metade para ver os primeiros goles do Deportivo este curso. Marcounos Mario Soriano. O primeiro cun disparo cruzado que bateu no pau. E o segundo logo dunha espectacular xogada persoal. Era o minuto sesenta e oito de partido. Mañá será a quenda do Racing e do Celta B.