O Deportivo-Real Madrid do "Teresa Herrera", na Televisión de Galicia
Será o 12 de agosto ás 21:00
É a 81ª edición do trofeo de pretempada
A Televisión de Galicia retransmitirá o trofeo "Teresa Herrera" de 2026. que enfrontará ao Deportivo co Real Madrid. O partido será o último da pretempada do Dépor, que aproveitará para presentar o proxecto 26/27 fronte á súa afección. No caso do Real Madrid, presentarase fronte ao equipo coruñés con multiples fichaxes e o retorno ao banquiño de José Mourinho. O partido será o vindeiro 12 de agosto ás 21:00.
Será un duelo entre os dous máximos gañadores do decano dos trofeos de pretempada. De 80 edicións desputadas, só estes dous clubes suman 35 torres. 2-1 no 2007 para o Deportivo, e 4-0 no 2013 para o Real Madrid son os últimos enfrontamentos entre ambos no "Teresa Herrera".
A TVG emitirá tamén o resto dos partidos da pretempada deportivista, fronte á SD Compostela, Oviedo, Lugo, St. Pauli, Fiorentina e Génoa. Tamén serán retransmitidos os encontros da pretempada do Celta. Os de Claudio Giráldez teñen catro confirmados: Braga, Sporting de Xixón, Sassuolo e Nápoles. A idea dos vigueses é engadir un máis para pechar a preparación do equipo. Será a finais de xullo, pero polo momento non hai rival confirmado nin sede para a súa desputa.
