O Deportivo presenta en Apelación o recurso pola aliñación indebida do Athletic

O Deportivo presentou hoxe mesmo o recurso ao Comité de Apelación pola aliñación indebida do Bilbao Athletic. Lembramos que o xuíz de Competición decidiu non darlle ao Deportivo os dous puntos porque non apreciou que se dera esa aliñación indebida no equipo vasco.

A cousa é que o Comité de Apelación pode tardar ata un mes, e para entón xa estarían os postos de play-off decididos, eses dous puntos poderían marcar a diferenza e outorgar certas vantaxes na promoción de ascenso. De todos modos, no Deportivo esperan que a decisión non leve máis de dez días.