O Deportivo anuncia a saída de Omenuke Mfulu

O R. C. Deportivo anunciou a saída do meciocentro congolés Omenuke Mfulu. O pivote despídese despois de xogar unha soa temporada en Coruña na que disputou 25 partidos, todos estes de Liga.

Mfulu chegou ao Deportivo libre desde As Palmas, equipo co que chegou a xogar en Primeira División. Previamente xa xogara en Segunda e Primeira División co Elxe, equipo co que logrou o ascenso de categoría na temporada 2019/2020.

O xogador, formado nas categorías inferiores do Lille, foi internacional en sete ocasións coa selección da República Democrática do Congo. No fútbol francés chegou a disputar a Ligue 1 co Stade Reims.